LEGAZPI CITY- Nagpaotob na an lokal na gobierno nin Tabaco City nin decampment sa nasa 487 na mga pamilya na ipig-ebakwar huli sa aktibidad kan bulkang Mayon.
Ini makalihis na ibaba sa alerto level 2 an alerto kan nasabing bulkan.
Segun ki Tabaco City Disaster Risk Reduction and Management Office Head Gel Molato sa intrevista kan Bombo Radyo Legazpi na in-activate an gabos na pwersa siring kan mga behikulo asin mga personahe ngani na tawan asistensya an pag-uli kan mga evacuiees sa saindang mga kaharungan.
Paliwanag kan opisyal na sa nasabing datos, an labi sa 300 na mga pamilya na hali sa Barangay Magapo an mapasiring na sa saindang resettlement area makalihis na mai-award na an saindang mga kaharungan.
Mapasiring na sana suboot an mga ini sa Barangay Magapo para sa saindang kabuhayan.
Sa ibong kan nasabing decampment, liwat na nagpagirumdom si Molato sa publiko na magin alerto huli ta dae pa nawawara an huma kan nasabing bulkan.
