Nangapudan an Department of Education (DepEd) sa Philippine National Police (PNP) asin iba pang law enforcement agencies na higutan an pagpapaotob kan pagsadiri nin badil makalihis mairido an 9-anyos na estudyante sa General Santos City makalihis aksidenteng pumutok an sarong .38 caliber revolver na pigkakawatan ninda kan saiyang amigo.
Segun ki Education Secretary Sonny Angara, an mga nakalihis na insidente na may kinaaraman sa pagkapot nin badil kan mga joven an nakaka alarma na.
Tinawan duon kan opisyal na dapat sanang higutan an pagpapaotob nin responsableng gun ownership, kaibanan an mas mahigot na background checks sa mga nagkukuwa kan lisensya nin badil, regular na inspeksyon sa tamang pag-tatago kan badil, asin mas mahigot na kampanya kontra sa mga nagagamit kan iligal na badil.
Alagad an PNP an pangenot na ahensya na namamayo sa pag-regulate kan mga badil asin pag-isyu nin permit, sinabi ni Angara na importante man an papel kan mga magurang asin guardian para sa tamang pagtuturo sa tamang gun safety sa saindang mga aki.
Dapat suboot na turuan an mga joven na dae magkapot nin badil, ipasabot an peligro kaini, asin tulos na magsumbong kun may nahiling na badil.
Kasabay kaini, liwat na pigduon kan DepEd an mahigot na pagpapaotob kan zero-tolerance policy kontra sa pagdadara nin badil, bala, patarom, asin iba pang pampasabog sa laog kan eskwelahan asin sa gabos na school activities, susog sa Guidelines on Ensuring a Safe and Motivating Learning Environment.
