Nagtutubod an Palasyo Malakanyang na divertionary tactics sana an pagpapalutang kan impormasyon na naarestar na si Senator Ronald ‘Bato’ Dela Rosa.
Inenganyar kan Palasyo an publiko na magin mapanuri asin aramon an pinaghalian asin motibo kan impormasyon na naglalakop antes pagtubudan.
Segun ki Presidential Communications Office USec. Claire Castro, warang bastanteng konteksto an ipigpapalakop ninda Atty. Jimmy Bondoc asin Harry Roque dapit ki Senator dela Rosa.
Paliwanag kan opisyal na garing timing sana ini ngani na ilihis an atensyon kan publiko hali sa mga naibuyagyag kan Commission on Audit dapit sa suboot dae baresibuhan na paggastos kan confidential funds kan Office of the Vice President asin Department of Education sa irarom ni Vice President Sara Duterte.
