Inenganyar kan saro sa House Prosecutor si Vice President Sara Duterte na hampangon an paglilitis kun bumalik na ini sa nacion makalihis an saiyang overseas trip.
Ginibo ni House Prosecutor Terry Ridon an pangapudan sa bise president sa tahaw kan nagpapadago na impeachment trial na nasa ikalimang semana na alagad dae pa naghahampang an presidente.
Enot na man na piglinaw ni Trial Presiding Officer Francis “Chiz” Escudero na sa irarom kan patakaran kan impeachment court bako obligadong maghampang nin personal an bise presidente sa saiyang impeachment trial asin pigkokunsiderar na representante na an saiyang mga legal counsel.
Kinuwestyon man ni Ridon an mga biyahe sa ibang nacion kan bise presidente asin kun papano pinondohan an mga ini.
Paliwanag kan lehislador na an mga biyahe sa ibang nacion ni VP sara puon 2025 hasta 2026 sa laog nin 91 aldaw an igwang dakulang kantidad na nagastos.
Pigkakarkulong nasa P8 million an pinagsabay na flights basado sa United Nations Daily Subsistence Allowance.
