LEGAZPI CITY-Naglaag an Sandiganbayan First Division nin not guilty plea” para kay Senador Rodante Marcoleta makalihis mag-negar an senador na magsangat kan plea sa pagbayolar kaini sa Presidential Decree 46, huli sa nakabinbing mosyon sa Korte Suprema.
Sa irarom kan Presidential Decree 46, pinagbabawalan an pagresibe kan mga pampublikong opisyal nin mga regalo.
May koneksyon ini sa P75 milyong dai suboot idineklarang natanggap na donasyon ni Marcoleta bago an 2025 midterm elections kan magkandidato siya bilang senador.
Naenot nang sinabi kan Ombudsman na binayadan an buwis para sa nasabing donasyon kan Disyembre 2025 o haros 11 bulan makalihis na itao an donasyon kan Enero 2025.
Alagad naninindugan an senador na inosente siya asin inapod na politically motivated suboot an mga kaso laban sa saiya.
