Ini-report kan Department of Education (DepEd) ang matrayumpo na pagbawas sa paperworks kan mga paratukdo sa bilog na nacion.
Segun ki Education Secretary Sonny Angara, nag-abot sa 57% ang nabawas sa paperworks kan mga paratukdo o mga gibohon na nagtutukoy sa pagproseso kan mga dokumento, office works, asin iba pang kahalintulad na gibohon.
Sa paagi kaini an mas nakakapag-pokus an mga paratukdo sa saindang pagtukdo sa mga estudyante.
Segun pa ki Angara, padagos an pag-hire kan DepEd sa mga non-teaching personnel nganing sinda na an magsalo sa paperworks.
Kabale digdi an hanggang 5,000 Administrative Officers asin Project Development Officers na pigsusugo na magibo kan non-teaching works na haloy nang pigproblema kan mga paratukdo.
Segun pa sa kalihim, target kan DepEd na protektahan ang teaching time asin bayaan sana an mga paratukdo na mga magtukdo sa eskuwelahan imbes na pigkakaon an oras sa paperworks.
Parte ini kan reporma kan DepEd mantang pigpapamaray asin pigprotehiran an kapankanan kan mga paratukdo.
