LEGAZPI CITY-Tumangging magtao nin komento si Vice President Sara Duterte katakod kan Pax Silica, an planong AI industrial hub sa New Clark City, Tarlac na pigbubusol kan administrasyon ni President Ferdinand Marcos Jr..
Sa sarong video na ipinaluwas kan Office of the Vice President mantang nasa The Hague an Bise Presidente, sinabi niyang wara siyang maitataong pahayag kan haputon ini mapadapit sa proyekto.
“Wala, I cannot comment on that,” sinabi ni Duterte.
Nagin mainit an orolay sa social media mapadapit sa Pax Silica huli sa pagkahadit sa posibleng epekto kaini sa kapalibutan asin komunidad.
Sa ikalimang State of the Nation Address (SONA), sinabi ni President Marcos Jr. kan Hulyo 27, na an proyekto magsasagibo nin dekalidad na
trabaho, magpapakusog sa industrial competition kan nacion asin magpapasigla sa ekonomiya.
An Pax Silica, parte kan 23-nationinitiative na pinangenotan kan U.S., na obhetong magbilog nin AI ecosystem sa paagi kan pagtugdok nin mga data center asin iba pang advanced technology facilities sa Pilipinas.
