Nagsagibo nin joint anti-submarine warfare (ASW) exercise an mga hukbong-dagat kan Pilipinas, Peru, Singapore, asin Estados Unidos bilang parte kan Rim of the Pacific (RIMPAC) 2026, segun sa Philippine Navy.
Nagpartisipar sa nasabing training an BRP Miguel Malvar kan Philippine Navy, RSS Steadfast kan Singapore, USS Paul Hamilton asin USS Carl M. Levin kan U.S. Navy kaibanan an MH-60R Seahawk helicopter asin P-8A Poseidon maritime patrol aircraft.
Sa simulation, ginampanan kan BAP Chipana kan Peruvian Navy an papel kan sarong “enemy” diesel-electric submarine na matrayumpo na natukoy asin na-neutralize kan participating forces.
Segun sa Philippine Navy, obheto kaini na pakusugon an koordinasyon asin kakayanan kan mga nagpartisipar sa anti-submarine operations, kaibanan an command and control, pagbilog nin common operating picture, evasive maneuvers, asin magkakasabay na pag-atake kontra sa sarong submarine threat.
Tinawan duon man kan Philippine Navy na an padagos na pakikipag partisipar kaini sa mga multinational exercises an nagpapakusog sa papel kan Pilipinas sa pagmamantenir kan katrangkiluhan asin seguridad sa rehiyon.
