Padagos an search and rescue operations sa southern Japan makalihis an magnitude 7.1 na linog na ikinagadan kan dae mababa sa 13 katawo asin nagkawsa nin mahewasan destroso sa mga edificio, tinampo, asin suplay nin kuryente.
Naislabar an walong katawo hale sa nagguhong shopping mall sa Kumamoto, alagad tulo sainda an binawian nin buhay mantang apat pang obrero an nawawara.
Pigtutubudan man sarong gas explosion ang nagpalala sa danyos sa nasabing establisimyento.
Labi 260,000 residente an inebakwar mantang rinibong kaharongan an nagtitinir na warang kuryente.
Nagpatanid man an mga otoridad sa posibilidad kan mga aftershock asin pagguho nin daga sa mga apektadong lugar.
