LEGAZPI CITY-Irido an sarong lalaking paratukdo makalihis suboot gulpihon kan duwang estudyante sa laog kan eskwelahan sa Elizalde National High School, sa Maco, Davao de Oro.
Nangyari suboot ini makalihis sitahon an saro sa mga ini huli sa pagsusulot nin hikaw na pagbayolar sa school policy.
Nagkalat man an video kun sain mahihiling an pananapak kan duwang estudyante sa paratukdo.
Segun sa salaysay kan paratukdo sa pulisya na nadagit suboot an estudyante mantang tinambangan siya nin suntok hasta sa tamaan an saiyang pandok.
Nakibale man digdi an tugang suboot kan estudyante asin sinuntok an paratukdo hale sa likudan kaini.
Segun sa Department of Education (DepEd) Davao Region, ipigdulog na an insidente sa guidance office kan eskwelahan para sa kaukulang administrative action.
Mientras tanto, dinara man sa Municipal Social Welfare and Development Office (MSWDO) an duwang nabanggit na estudyante.
Patuloy pang pigiimbestigaran kan DepEd Davao de Oro Schools Division Office an nangyaring insidente.
