Inenganyar ni Presidente Ferdinand Marcos Jr. an Kongreso na pahewason pa an income tax exemption para sa mga obrerong Pilipino na may ganansya na nasa P350,000 kada taon.
Obheto kaini na mabawasan an pasanin kan mga nasa middle class asin makuwa an pinagpagalan na sweldo.
Ipinahiwatig man kan presidente an planong pagtapyas sa buwis sa ganansya kan iba pang wage earners, alagad dae nagtao nin dugang pang detalye.
Inenganyar man ni Presidente Marcos an Kongreso na i-exempt an saradit na negosyo hali sa corporate income tax asin pahewason an amnesty para sa mga dae nababayadan na buwis, kaibanan an income, estate, donor’s asin value-added tax.
Sa presente exempted sa buwis an mga obrero na may taunan na ganansya na dae mababa sa P250,000 mantang 20% an ipigpapataw na buwis kun mas halangkaw sa nasabing kantidad.
Alagad sa ngunyan, dae kaibanan an pag-amyenda kan National Internal Revenue Code, partikular na an paglangkaw kan income tax exemption ceiling sa 52 priority bills kan Marcos administration.
