LEGAZPI CITY-Tinawan doon ni President Ferdinand Bongbong Marcos Jr. sa saiyang ikalimang State of the Nation Address (SONA) na magtatao nin kalidad na trabaho sa Pilipinas an proyektong ‘Pax Silica’.
An Pax Silica Industrial Hub, pinangengenotan kan Estados Unidos, para sa sarong supply chain kan artificial intelligence.
Sinabi ni Marcos na an hub, sarong industrial complex na nakatutok sa AI na sakop an 1,600 ektarya kan New Clark City sa Tarlac.
Makrear suboot ini nin sarong eco-system sa AI asin magdadara nin de-kalidad na trabaho sa mga Pilipino asin mapaparikas an industrial competitiveness magin an pagusbong kan ekonomiya.
Marurumduman na si US Under Secretary of State for Economic Growth Jacob Helberg an namumuno sa inisyatiba asin iniladawan ini bilang sarong “bagong economic security consensus” ngani magbilog nin AI ecosystem.
Alagad nagin kontrobersyal man an proyekto huli sa mga pasilidad kan AI na nagkokonsumo nin kadakol na tubig asin kuryente.
