Kinumpirmar kan Pasay City police na sarong pinagtutubudan na improvised explosive device an nadiskubre harani sa Senado ngunyan na aga nin Lunes, Hulyo 27 sa tahaw kan pagbubukas kan ika-duwang regular session kan 20th Congress.
An pagkakadiskubre man kan nasabing IED an nangyari nagkapirang oras antes an nakatalaan na ikalimang State of the Nation Address (SONA) ni Presidente Ferdinand Marcos Jr. atyan na alas-4 nin hapon.
Segun sa report hali sa kapulisan, sarong towing service employee an nakahiling kan IED sa center island kan Diokno Boulevard pasado alas-8:00 nin aga.
Salbado man na na-nutralisa kan bomb disposal team kan Pasay City Police Station an suspected IED.
Kaibanan sa narekober sa lugar an sarong blasting cap, 9V battery, orasan asin sarong container kaibanan an suspected explosive material.
Nagpapadagos man ngunyan an imbestigasyon kan mga otoridad sa insidente.
