LEGAZPI CITY- Inihayag kan sarong Constitutional law expert na bako sana an mga akomplishimento an dapat na ihayag sa State of the Nation Address ni Presidente Ferdinand Marcos Jr., kundi an mga isyu na pinagkakahampang kan nacion.
Segun ki Atty. Michael Henry Yusingco sa intrevista kan Bombo Radyo Legazpi na sa paghihilingan kan executive branch asin legislative branch, dapat na napag-oolayan an mga nangyayari sa banwaan.
Paliwanag kaini na an dapat na nakapalaog sa SONA iyo an paglalatag kan mga pinaghahampang na problema kan nacion asin kun ano an mga dapat pang gibuhon para sa ikakarahay kan mga namamamwaan.
Kaibanan pa digdi an mga ley na kinakaipuhan na maipasar asin mga ley na dapat na ma-amyendaran.
Pinaglalaoman suboot sa nasabing SONA kun ano an mga ipapasar na mga priority bills asin iba pang mga plano para sa nacion.
