Inengganyar ni Senate Minority Leader Alan Peter Cayetano ang publiko na dangogon an ikalimang State of the Nation Address (SONA) ni Presidente Ferdinand Marcos Jr. asin surion an mensahe kaini basado sa nilalaman, imbes na sa personalidad kan Presidente.
Sa sarong pahayag, sinabi ni Cayetano na importanteng madangog kan gabos an report kan Presidente nganing maaraman an tunay na kamugtakan kan nacion asin an mga plano kan administrasyon.
Segun sa senador, dapat maghiling kan SONA magin an mga nagsusuporta asn nagkokontra sa administrasyon.
Ipigdoon man niya na mas importanteng surion an nilalaman kan speech kaysa sa kun sisay an naghahatod kaini.
Sinabi man ni Cayetano na pagkatapos kan SONA an masagibo siya nin halipot na vlog nganing itukar saiyang pagsusuri sa speech kan Presidente, kabale an mga puntong saiyang pigpapaburan asin dae pigpapaburan. Inengganyar man niya an publiko na magtao kan saindang honesto na pagtataya sa nagin report kan Presidente.
Segun pa sa senador, parte kan pagpapadangat sa banwaan an pagigin mulat asin may bastante na kaaraman sa mga importanteng orolay na pigkakahampang kan nacion, kaya importanteng magin mapanuri sa mga inilalatag na programa asin direksyon kan gobierno.
