LEGAZPI CITY- Mapartisipar an dakulang parte kan grupo nin mga paraoma sa ikakasang People’s SONA sa Commonwealth, Quezon City.
Segun ki Bantay Bigas Spokesperson Cathy Estavillo sa intrevista kan Bombo Radyo Legazpi na obheto kan aktibidad na maipaabot sa adminsitrasyong Marcos an mga agrangay kan grupo nin mga paraoma sa nacion.
Ini an katakod kan ika-limang State of the Nation Address ni Presidente Ferdinand Marcos Jr.
Mawot tawan duon kan grupo an problema sa mahewas na krisis sa pagkaon, urog pang milyones suboot na mga Pilipino an nakaka eksperyensya nin kagutuman.
Dugang pa kan opisyal na sa ibong kan pagigin agricultural country kan Pilipinas, dae magibong maresolberan an pangenot na problema kan mga paraoma.
Segun pa ki Estavillo na bagsak na grado an itatao kan grupo sa administrasyon ni Presidente Marcos huli ta nagigiling an kakulangan sa pagresolbar sa kakulangan sa pagkaon.
Mientras tanto, tinuyaw man kan opisyal an padagos na angat sa land grabbing asin land conversion sa nacion.
