LEGAZPI CITY—Katakod kan ikalimang State of the Nation Address (SONA) ni Presidente Bongbong Marcos sa Lunes, pigsaysay kan sarong propesor na oras na nganing iluwas an resulta kan nagin pahayag kan presidente kan nakalihis na SONA na “Mahiya naman kayo”.
Magigiromdomang an nasabing pahayag an binutasan ni Marcos kasunod kan suboot korapsyon sa flood control projects.
Segun ki UST Political Science Professor Paul Micah Francisco, sa intrevista kan Bombo Radyo Legazpi, dapat ini an magin sentro kan saiyang diskusyon ngunyan na taon kun sain en kaso man may mga dae nadadangog an publiko sa media na nakasuhan o napadusahan, an dapat na mabuyagyag ini kan Presidente sa saiyang ikalimang SONA.
Dugang kan propesor na dapat may mapatunayan si Marcos huli sa ini man an oras nganing magkrear siya nin legasiya mapadapit sa pagpapanimbag sa anomalya sa flood control projects mantang patapos na an saiyang termino.
Tinawan-doon man kaini na mantang may pigggibo maski papano an presidente sa pagtugon sa mga problema, an dae kaini naco-communicate nin matanos sa publiko kaya ma-reflect ini sa public perception na wara siyang nagiginibohan.
Dapat man na magtao nin malinaw na solusyon an presidente sa mga presenteng pigkakahampang kan nacion siring kan inflation, krisis sa Middle East na nagpalangkaw sa presyo kan petrolyo, school violence, asin iba pa.
Dugang kaini na dapat na gibohon ni PBBM an SONA niya sa paagi na makakakonektar saiya an namamanwaan Pilipino.
