Padagos an paglangkaw kan presyo kan langis sa pangkinaban na merkado kaya pinag-aantisiparan na panibagong paghihigot nin sinturon kan mga motorista.
Huli digdi, posibleng magkaigwa na naman nin panibagong paglangkaw sa presyo kan produktong petrolyo.
Basado sa enot na pagkakarkulo, an diesel an posibleng maglangkaw nin P6.00 hasta P6.50 kada litro.
An gasolina man an posibleng maglangkaw nin P5.50 hasta P6.00 kada litro.
An nasabing presyuhan an posible pang magbago kun magkakaigwa nin development sa world market asin sa kariribukan sa Middle East.
