Inenganyar ni Ombudsman Jesus Crispin ‘Boying’ Remulla an publiko na bantayan an mga korte o an Sandiganbayan katakod sa mga kasong ipigsusunad na may kinaaraman sa anomalya o korapsyon sa nacion.
Paliwanag kaini na pigigibo kan Office of the Ombudsman an saindang trabaho, alagad nasa korte man liwat nakasalalay an magigin resulta kan mga kasong saindang ipigsusunad.
Huli digdi, hinagad niya sa hukuman na otobon an saindang mandato asin papel kaini sa obheto na maabot asin maipaotob an hustisya para sa Pilipinas.
Sa ibong kaini, aminado so Ombudsman Remulla na bako madali an pagbilog ninda kan mga kaso kontra sa mga opisyal o indibidwal na imbwelto sa iligal na aktibidad.
