LEGAZPI CITY-Nagpahayag nin concern an Presidential Task Force on Media Security (PTFOMS) sa pagkakaaresto kan beteranong Journalist Philip Lustre Jr. sa Quezon City huli sa kasong cyberlibel.
Segun ki Presidential Task Force on Media Security Executive Director Usec. Jose Torres Jr., sa intrevista kan Bombo Radyo Legazpi na mantang igwang direchos an sisay man na magsangat nin kaso huli ta nasa ley ini, alagad an problema sa isyu kan pagkakaaresto laban sa mga mamahayag, an nawi-weponize ngani takuton sinda, orog na kun manungod sa katiwalian, sa publiko man o sa gobierno, magin sa pribadong indibidwal.
Nagkakaigwa man suboot ini nin epekto sa mga mamamahayag.
Segun pa sa opisyal na sinabi ni Lustre na dae niya aram na igwang isinangat na kaso laban sa saiya sa Davao City.
Pigkwestyun man niya kun nata nag-abot sa warrant of arrest mantang dae aram kan akusado kun sain siya igwang kaso.
Dugang pa kan opisyal na dapat aram asin igwang pagkakataon na makasimbag an akusado ngani marepaso an saiyang kaso asin matawan ini nin konsiderasyon.
