LEGAZPI CITY—Pighagyag kan Philippine Institute of Volcanology and Seismology na may mga nai-report na ‘chugging sounds’ o dagundong gikan sa Bulkang Mayon.
Segun sa pahayag ni Phivolcs Volcano Monitoring and Prediction Chief Mariton Bornas, huli ini kan pag-i-implode o pagkatibag nin mga gas bubbles sa laog kan bulkan.
Paliwanag ni Bornas na mantang dae pa man nakakaabot an gas bubbles o volcanic gas sa bunganga kan bulkan, an na-depressurized na an pigluluwasan kan magma sagkod sa hararom na parte kaini — kun kaya dae pa man nakakaluwas an gas sa bunganga an nag-i-i-implode na ini sa laog na iyo an nagkekrear nin mga ‘chugging sounds’.
Sa pagladawan kan ibang mga residentes, an saindang nadadangog na mga dagundong an gari suboot pighahampas na mga yero o an chugging kan tren.
Nangyayari an siring na mga dagundong tuyong igwang aktibidad nin lava-fountaining events o strombolian events sa bunganga kan Mayon.
Segun sa opisyal na sagkod na may mga siring na aktibidad an ‘okay’ man suboot an mga nadadangog na chugging sounds sa nasabing bulkan.
