LEGAZPI CITY- Nakapagrehistro nin 16 na pyroclastic density current o uson sa bulkang Mayon sa nakalihis na magdamlag.
Basado sa 24 oras na monitoring kan Philippine Institute of Volcanology and Seismology na nagkaigwa man nin strombolian activity asin lava effusion.
Afuera digdi, nasa 196 man an nai-record na volcanic earthquakes kaibanan na an 51 volcanic tremors na nagdurar nin 5 minuto hasta 31 minutos an lawig.
Nasa 251 man an nairehistrong rockfall sa nasabing bulkan.
Mientras tanto, nasukol m an an nasa 4,814 tonelada nin sulfur dioxide kan Hulyo 16.
Sa presente, nagtetenir sa alert level 3 an bulkang Mayon na nangangahulugan an posibleng padagos na halangkaw na aktibidad kaini.
