Plano suboot magpaotob an gobierno kan United Kingdom nin default overnight curfew sa social media para sa mga joven na may edad 16 asin 17.
Sa irarom kan propwesto, otomatikong dae magagamit kan mga apektadong user ang social media apps puon alas-12 nin maagahon sagkod alas-6 nin aga, afuera kun babaguhon ninda an default setting.
Nakatalaan man na i-off bilang default ang mga feature siring kan autoplay videos nganing mabawasan an labing paggamit kan social media.
Parte suboot ini kan mas mahewas na plano kan goberno na higotan an paggamit kan social media kan mga menor de edad, kabale an propwestong ipagbawal ini sa mga wara pang 16-anyos.
Segun sa gobierno, obheto kan mga lakdang na mapamarhay an katurog, konsentrasyon, asin kapakanan kan mga kajovenesan, siring man an maengganyar sinda na magtagama nin mas dakol na oras sa saindang pamilya.
Piglalaomang masusumiter an enot na set kan mga regulasyon sa Parlamento antes matapos an taon asin mapuon na ipaotob sa tagsibol kan 2027.
