Naglansar an Iran nin mga pag-atake laban sa limang gulf nations asin idineklara an pagsarado kan Strait of Hormuz makalihis magsagibo an Estados Unidos kan ikatulong serye nin mga airstrike sa laog sana nin sarong semana.
Nagkawsa ini nin matinding paglala sa padagos na tensyon asin tunggalian sa rehiyon.
Ngunyan na semana, sinabi kan Tehran na isinagibo kaini an mga pag-atake laban sa Bahrain, Kuwait, Jordan, Qatar, asin Oman bilang simbag suboot sa panibagong pambobomba kan Estados Unidos sa mga ciudad sa southern coast kaini.
An mahewasang operasyon kan militar kan US an ikinundusir makalihis isarado kan Iran an Strait of Hormuz, sarong importanteng rutang pandagat asin saro sa pinakadakulang flashpoints kan tensyon sa presenteng krisis.
Ipigdoon kan Iran na binalgar suboot kan Washington an sarong memorandum of understanding (MoU) na pinirmahan kan duwang lado kan nakalihis na bulan, rason nganing ipaotob kaini an pagsarado kan Strait of Hormuz.
Padagos na pigbabantayan kan pankinabang komunidad ang sitwasyon mantang nagtitindi an pagkahandal sa mas mahewas na paglakop kan labanan sa Middle East.
