LEGAZPI CITY-Mas pinahigot kan Philippine National Police Anti-Cybercrime Group (PNP ACG) an saindang kampanya laban sa mga indibidwal na nagagamit nin internet ngani maghasik nin mga bomb threats sa mga eskwelahan asin komunidad.
Pigsierto man kan mga otoridad na an mga nasa likod kan mga pananakot, iyo an saindang nabibisto na asin nasasangatan nin kaukulang kaso.
Poon pa kan Enero, igwang walong kaso na kan mga mga online bomb threat an saindang nasangatan nin kaso sa korte.
Ang pinakahuring insidente, iyo an Hulyo 8, 2026 kun saen magkasunod na bomb threat an nairehistro sa mga eskwelahan sa Cavite.
Liwat na nagpatanid an PNP ACG sa publiko na igwang paninimbagan sa ley an sisay man na nagbabanta kan bomb jokes o threats magin sa social media man ini o arin man na klase nin messaging apps.
Posibleng makarsel an mga nasa likod kan bomb threat nin hasta limang taon asin pinagmumulta nin nasa P400,000.
