Inengganyar kan Atin Ito Coalition ang publiko na makisumaro sa pagselebrar kan ika-10 taon anibersaryo kan pagkagana kan Pilipinas sa Arbitral Tribunal kan 2016.
Tinawan-doon ni Rafaela David, Convenor kan nasabing koalisyon na importanteng dae malingawan asin padagos na igoromdom an trayumpo kan nacion.
Binisto kaya kan United Nations Convention on the Law of the Sea o UNCLOS an direchos kan Pilipinas pag-abot sa pinag-aagawang teritoryo na West Philippine Sea.
Kun kaya an saro sa mga lider kan parasisira asin at co-convenor man kan koalisyon na si Roberto ”Ka Dodoy” Ballon an nangangaoudan man na makisumaro sa mga aktibidad nganing kontrahon an ang pang-aangkin kan Tsina sa mga teritoryo ng Pilipinas.
Nagtutubod man si Rafaela David na ang paninindugan sa teritoryo kan nacion an bako sana responsibilidad kan gobierno o grupo, kundi dapat an gabos an makisumaro asin nakikisumaro.
‘Whole of nation approach’ suboot an nararapat mangyari nganing maipaabot sa dayuhan na nacion na an West Philippine Sea an pagmamay-ari kan Pilipinas.
Dugang pa digdi inengganyar ni Ka Dodoy Ballon an gabos nin mga igwang behikulo na bumusina asin mag-ingay saaga kan ika-12 ng Hulyo.
Mawot niya na maipahiling kan namamanwaan an suporta asin pagselebrar kan nacion sa pagkagana sa Arbitral Tribunal, sampulong taon na an nakalilihis.
