Nagpaluwas nin abiso an Philippine Coast Guard (PCG) katakod kan seguridad sa dagat.
Basado sa datos, apektado an kabilugan na 62 na pantalan sa manlain lain na rehiyon sa nacion huli sa maraot na kondisyon kan panahon.
Sa Southern Tagalog, nagkapirang pangenot na pantalan siring kan Real, Jomalig, Dinahican, Panukulan, Lucena, Alabat, San Andres, Bulalacao, Roxas, Concepcion, Pola, Romblon, San Agustin, Looc, Batangas, Bauan, Balayan, Lemery, Anilao, Tingloy asin Balanacan an nakapagrehistro nin 316 pasahero asin 30 rolling cargoes na na-stranded, mantang 111 barko asin 120 motorbanca an paramientras na nag take shelter.
Sa North Western Luzon, kaibanan an mga pantalan sa Agoo, Lingayen Gulf, Sual, Magsaysay, Salomague, Onri, Pasuquin asin Laoag, igwang 20 barko an nagkubli.
Sa Southern Visayas, sa Sibulan asin Maria, igwang 9 rolling cargoes na na-stranded asin sarong barko an nagkubli.
Sa BARMM, partikular sa Bongao Pier, 130 pasahero asin sarong barko an na-stranded.
Sa Palawan, sa mga lugar kan Cuyo, Coron asin El Nido, 64 pasahero asin apat na barko an na-stranded.Sa North Eastern Luzon, sa Mahatao Shelter Port, 14 motorbanca an nagkubli mantang sa Central Visayas, sa mga pantalan kan Polambato, Daanbantayan, Mainit, Taloot, Talibon, Ubay, Popo, Mabini, Cogtong Bay, Tapal, Hagutapay, Pilar asin Poro, nairehistro an 94 pasahero, 97 rolling cargoes, 6 barko asin 30 motorbanca na na-stranded, mantang 18 barko asin 17 motorbanca an nag take shelter.
Sa Western Visayas, sa Caticlan Jetty Port, Port Parola asin Cop Lapuz, 261 pasahero asin 95 rolling cargoes an na-stranded, mantang limang barko asin sarong motorbanca an nagkubli.
Sa Bicol, sa mga pantalan kan Pasacao, Mobo, Cataingan, Mintac, Aroroy, San Pascual, San Jacinto, Monreal, San Fernando asin Lagundi, 92 pasahero, 11 rolling cargoes, duwang barko asin 3 motorbanca an na-stranded, mantang 13 barko asin duwang motorbanca an nagkubli.
