LEGAZPI CITY—Piglalaomang mababa an presyo kan karne nin urig sa Albay, huli sa halangkaw na suplay kaini sa provincia.
Segun sa pahayag ni Department of Agriculture Bicol Agribusiness and Marketing Assistance Division Market Specialist II Robella Naldo, sa ibong kaini nag-aagrangay an mga hog raisers na pigbabakalan kan live weight kaya naghahanap an ahensya nin paagi nganing makapagtao nin tamang interbensyon huli man sa halangkaw na presyo kan feeds asin iba pang production inputs.
Dugang niya na sa Albay, an presyo kan pork (kasim) an nagkakawat sa presyong P280-P300 alagad may mas hababa pa suboot digdi sa ibang munisipyo na dae na naaabot kan saindang price monitoring activity, urog na an dae nag-aagi sa slaughter house o an mga sadiring katay.
Mientrastanto, maogma man na pigheras kan ahensya na wara nang munisipalidad sa provincia an naka-red zone sa African swine fever, asin mayorya sa mga ini an nakabugtak na sa pink-buffer zone o boot-sabihon warang nang aktibiong kaso kan nasabing helang
