Dae pinagbigyan kan Sandiganbayan Fifth Division an mosyon ni Senador Jinggoy Estrada na maka atendir sa impeachment trial ni Vice President Sara Duterte.
Sa pitong pahinang resolusyon na ipinaluwas kan Hulyo 9, 2026, sinabi kan korte na an mosyon ni Estrada an “bereft of merit” o warang bastanteng basehan.
Segun sa Sandiganbayan na alagad importante an impeachment trial sa konstitusyon, dae ini maikokunsiderar na “emergency” o “compelling temporary leave.”
Huli digi, dae tinugutan si Estrada na makaluwas nin kulungan ngani na gampanan an saiyang mandato bilang senador-judge sa nasabing paglilitis.
Marurumduman na nakadetine si Estrada huli sa kasong plunder na may koneksyon sa suboot anomalya sa pondo kan flood control project.
