LEGAZPI CITY-Nahahandal an consumer watchdog na Pinoy Aksyon sa propwestong zero transfer fees asin sinabing mas pumapabor ini sa darakulang institusyon kaysa sa mga bagong players sa industriya.
Segun kay Bencyrus Ellorin, convenor kan transparency asin consumer watchdog na Pinoy Aksyon, “Unfair asin disadvantageous sa new players asin taliwas ini sa financial inclusivity na pigbubusol kan gobierno.”
Dagdag pa kan grupo, na gari piggagadan kan darakulang bangko an mga bagong players na nagpahewas kan access sa financial services para sa masang Pilipino.
Ipinaliwanag kan grupo na an mga online fund transfer platform, importanteng kasangkapan para sa financial inclusivity huli ta madali ining gamiton asin naaabot kan mga mamamayang limitado ag access sa pormal na sektor kan pagbabangko.
Marurumduman na kan Hulyo 4, nagkabisa an BSP Circular No. 1238 na nagsusugo sa mga bangko na magpaotob nin “makatwiran asin makatarungang market-based pricing” para sa electronic fund transfers.
Punto pa kan grupo na kun magigin opisyal na polisiya an zero fees, kabaliktaran an magigin epekto kaini sa financial inclusivity.
Nagtutubod an watchdog na an tamang direksiyon iyo an pagpapaotob nin makatwiran asin makatarungang pagpe-presyo, kasabay kan mga regulasyon na magpapatibay sa karanasan kan mga konsumidores sa paagi kan pagtanggal kan labing singil asin pagpaparahay kan serbisyo kan mga bangko.
