LEGAZPI CITY-Tinawan doon ni House Prosecutor asin San Juan Rep. Ysabel Maria Zamora na dai pa tapos an pag presenta kan ebidensiya kan prosecution.
Sinabi niya na igwang mga ibang witness an isasalang, asin an saro digdi an regional director kan National Bureau of Investigation.
Nanindugan si Zamora na dapat sanang mailatag an gabos na mga ebidensiya sa impeachment trial ni VP Sara Duterte.
Mientras tanto sa ikatulong aldaw kanimpeachment trial kan Bise Presidente, simabi kan depense na an suboot mga pagbabanta laban kay President Ferdinand Marcos Jr. asin iba pa, bunga kan pagkakaarestar sa saiyang chief of staff na si Zuleika Lopez.
Segun pa sa depensa, labing naapektaran an Bise Presidente kan ma-detain si Lopez kan House of Representatives matapos ining ma-contempt sa isinasagibong imbestigasyon katakod kan confidential funds kan Office of the Vice President.
Sa pagdangog, ipinahiling kan depensa an video kun saen mahihiling na naghihibi asin tutol si Lopez sa planong ilipat siya sa Women’s Correctional Facility mantang nasa kustodiya kan Mababang Kapulungan.
Mientras tanto sa tahaw kan impeachment trial nanotaran si Vice President Sara na nakikisumaro sa sarong tree planting activity asin mga pagselebrar sa Surigao del Sur kan Miyerkules, Hulyo 8, mantang dai personal na nagatendir sa saiyang paglilitis.
