LEGAZPI CITY- Pinag-aantisiparan na dakula an magigin epekto kan impeachment trial sa dalagan kan political career ni Vice President Sara Duterte.
Segun sa political analyst na si Prof. Froi Calilung sa intrevista kan Bombo Radyo Legazpi na enkaso man na dae ma-impeach an bise presidente, magbubukas ini nin nagkapirang mga posibilidad.
Kaibanan digdi an pagluya kan popularidad asin satisfaction rating ni Vice President Sara.
An nasabing impeachment an magpapaluya suboot sa tsansa kan bise presidente sa 2028 elections huli sa pag-expose kan mga ebidensya asin testimonya na magkokonektar sa opisyal sa nagkapirang mga iregularidad.
Marurumduman na enot na nilinaw na 2/13 o 16 na boto man liwat an kinakaipuhan ngani na mapatalsik sa pwesto an bise presidente.Segun ki Prof. Calilung na kinakaipuhan kan mayorya na makakumbinse nin tulong boto hali sa minorya.
An mga nakakulong man suboot na sinda Sen. Jinggoy Estradea asin Sen. Rodante Marcoleta, asin an nagtatago na si Sen. Ronald Dela Rosa an dae pwedesir na mag-yes vote huli ta bako man ini presente sa paglilitis.
An tulong senador an posible sana suboot na mag-no vote o abstain, kun tutugutan ining makaboto.
