LEGAZPI CITY-Pormal na inihalal si Senador Francis “Chiz” Escudero bilang presiding officer para sa impeachment trial ni Vice President Sara Duterte ngayong araw ng Lunes, Hulyo 6, 2026.
Ito ay matapos siyang i-nominate ni Senador Panfilo Lacson sa pagbubukas ng paglilitis.
Bagama’t umani ng pagtutol mula kay Senate Minority Leader Alan Peter Cayetano, naaprubahan pa rin ang nominasyon ni Escudero.
Matatandaang si Escudero rin ang namuno sa impeachment court noong 2025 bilang Senate President.
Haharapin ngayon ni VP Sara Duterte ang paglilitis kaugnay ng mga reklamong culpable violation of the Constitution, graft and corruption, betrayal of public trust, bribery, at iba pang mabibigat na krimen.
Ito ang ikalawang pagkakataon na na-impeach ang Bise Presidente ng House of Representatives matapos ideklarang labag sa Konstitusyon ng Korte Suprema ang unang Articles of Impeachment na inihain noong 2025.
