LEGAZPI CITY-Pighagad ni House trial spokesperson asin Kabataan Party-list Rep. Atty. Renee Co na humpang si Vice President Sara Duterte sa enot na aldaw kan saiyang impeachment trial.
Segun sa Kabataan Party-list Representative, naglalaom siyang dai “mang-ghost” o iwasan kan bise presidente an paglilitis.
Nanindugan man siya na importanteng matapos an impeachment process bilang parte kan paninimbagan sa publiko asin ngani matawanan nin simbag an namamanwaan.
Nanangangapudan man siya sa mga senator-judges na gampanan an saindang trabaho nin igwang pagiging patas asin dedikasyon para sa kapakanan kan sambayanang Pilipino.
An pahayag kasunod kan impeachment trial kan Bise Presidente na nakatalaan saaga, July 6,2026.
