LEGAZPI CITY- Sarong lalaki an nakuryente mantang nagdidiskarga nin mga produkto sa Ligao City Public Market kasuudma.
Segun ki PLt. Col. Danny Bayteca, Chief of Police kan Ligao City Police Station sa intrevista kan Bombo Radyo Legazpi na nasa itaas nin delivery truck an biktima ngani na magdiskarga kan mga ide-deliver kaining mga produkto sa merkado.
Aksidente suboot na nakadukot an biktima sa live wire na rason kan pagkaka kuryente kaini.
Naidalagan pa man sa ospital an biktima alagad ipigdeklarar na dead on arrival.
Segun pa sa hepe na ipig kustodiya man an driver kan nasabing truck alagad nagkaigwa nin pag-oolay an pamilya kan biktima kaya pinalibre na ini.
Katakod kan insidente, liwat na nagpagirumdom an opisyal sa publiko nin ibayong paglilikay ngani na maibitaran an kaparehong mga aksidente.
