Pigkakahaditan na an pagnana kan ani an magkawsa nin paglangkaw kan presyo kan mga babarakalon asin paglangkaw kan pangangaipo sa imported na mga produkto.
Marurumduman na enot nang nagpaluwas an Department of Agriculture nin El Niño Alert basado sa pagkakarkulo kan Philippine Atmospheric, Geophysical and Astronomical Services Administration (PAGASA).
Segun sa ahensya, igwang 79% na posibilidad na maeksperyensyahan kan nacion an epekto kan El Niño na pinaglalaoman na madurar hasta sa Agosto 2026 asin posibleng umabot pa hasta sa enot na parte kan 2027.
Huli digdi, pinaglalaoman na maeeksperyensyahan an matinding init, kakulangan nin uran, asin tagmara na pwedesir na magkawsa nin mahewasan na danyos sa sektor kan agrikultura.
Katakod kaini, liwat na nangapudan an DA sa publiko na magtipid sa paggamit kan tubig ngani na masierto an bastanteng suplay enkasong lumala an epekto kan El Niño sa mga maabot na bulan.
