LEGAZPI CITY-Gadan an siyam na mongher sa Mukdahan Province sa Thailand mantang labi 20 an nairido makalihis mabangga kan sarong pick-up truck na suboot pigmamaneho kan sarong 11-anyos na aking lalaki.
An mga biktima parte kan 34 na mongheng Buddhist asin nagkapirang mga naglalakbay poon sa sarong templo sa Mukdahan Province pasirng sa Ubon Ratchathani Province.
Pirmihan suboot na naglalakaw an mga mongheng Buddhist sa kalsada bilang parte kan saindang paglalakbay.
Huli sa insidente, nagtao ining adal sa mga magurang asin kadsadiri kan behikulo na dapat itago nin maayos an mga susi kaini ngani maibitaran an paggamit kan mga joven.
An 11-anyos an nagmaneho kan nasabing pick-up truck, dai na nagpahayag pa sa mga otoridad mantang padagos pa an pigsasagibong imbestigasyon sa aksidente.
