Tinawan duon kan tagapagtaram ni Leyte Rep. Ferdinand Martin Romualdez na warang ebidensyang nagkokonektar sa lehislador sa suboot anomalya sa mga flood control project.
Segun ki Atty. Elaine Atienza, warang opisyal kan Department of Public Works and Highways (DPWH) an nagturo ki Romualdez na imbwelto sa pagpaplano, bidding, implementasyon, inspeksyon, pagbabayad o pagpapaluwas nin pondo para sa mga pigtataram na flood control project.
Ipinaliwanag man ni Atienza na an pagbilog asin pagpapaotob kan national budget an bako kontrolado kan sarong opisyal sana, kaibanan an speaker kan House of Representatives.
Segun digdi na an paghahanda kan budget an pigpapangenotan kan Executive branch asin nagsasairarom sa pagdiskutir kan Kamara asin Senado antes magin ley.
Tinawan duon niya na an speaker an warang poder sa bidding, paggawad kan kontrata, implementasyon kan proyekto asin pagpapaluwas kan pondo, na sakop kan Executive branch.
Segun ki Atienza na kun igwang iregularidad sa mga proyekto, dapat na mapanimbag an mga opisyal na igwang direktang legal asin operasyonal na responsibilidad basado sa ebidensya, asin bako sa mga akusasyon na warang basehan.
