LEGAZPI CITY- Nagtutubod an sarong Constitutional Law Expert na makusog an kaso kontra ki Senator Rodante Marcoleta.
Paliwanag ni Atty. Michael Henry Yusingco sa intrevista kan Bombo Radyo Legazpi na mismong an senador na an nagluwas kan ebidensya kan ibuyagyag niya na nagresibe siya nin P75 million na campaign donations asin dae ipig sabay sa saiyang Statement of Contribution and Expenditures (SOCE).
Makusog suboot an ebidensya huli ta si Sen. Marcoleta an nagtao nin impormasyon sa national TV.
Huli digdi, wara suboot na magigibo an Ombudsman kundi magsunad nin kaso huli ta kun dae, digdi matataram na nagkakaigwa nin cover-up.
Segun ki Yusingco na an pagresibe nin campaign donasyon an normal sana, alagad nagkakaigwa nin bayolasyon kun igwang kakabit na mga kondisyon hali sa donor asin kun dae nagin honesto sa saindang SOCE.
