Warang pagbabago sa schedule ni Presidente Ferdinand Marcos Jr. sa pagbiyahe sa Canada.
Ini an sa ibong kan ikinasa na surprise rally kan Iglesia ni Cristo sa EDSA.
Segun ki Presidential Communications Office Secretary Dave Gomez, dagos an State visit kan presidente sa Vancouver, Canada ngunyan na Hulyo 1 hasta 5.
Magkakaigwa man nin business forums kun sain mabibisto kan presidente an mga Canadian investors ngani na enganyadon an mas dakol na pamumuhunan sa Pilipinas, urog na sa IT, infrastructure, asin energy sectors.
Segun sa opisyal na pahayag, ini an pinaka enot na state visit kan presidente kan Pilipinas sa Canada sa laog nin labi sa 10 taon, na nahihiling na lakdang ngani na mas mapararom pa an haloy nang relasyon kan duwang nacion.
