LEGAZPI CITY-Uminabot sa 10 dayuhan, kaiba an apat na Israeli, an inaresto kan mga tawohan kan Bureau of Immigration (BI) sa isinagibong operasyon sa General Luna, Surigao del Norte.
Segun sa ahensya, nadakop an mga dayuhan huli sa pagbayolar sa mga ley kan Immigration siring kan undesirability, overstaying, asin pagtatrabaho nin warang kaukulang permit.
Afuera sa apat na Israeli, kaiba man sa mga naaresto an duwang Chinese national, sarong Lithuanian, Australian, Moroccan, asin Nigerian.
Presenteng nasa kustodiya kan General Luna Municipal Police Station an mga ini mantang pighahalat an saindang paglipat sa Immigration detention facility.
An pagsangat kan mga kasong igwang kinaaraman sa Immigration asin an pagsasagibo nin deportation proceedings presente nang pigsasagibo kan nabanggit na ahensya.
