LEGAZPI CITY-Binomba kan Estados Unidos an Iran sa ikaduwang aldaw, kun sain tinamaan an ciudad kan Sirik, Bandar-e Lengeh asin Isla kan Qeshm, kasunod kan pag-atake kan drone sa sarong komersyal na barko harani sa Strait of Hormuz.
Nag-ugong man an air raid sirens sa Bahrain mantang sinabi kan militar kan Kuwait na an mga depensa sa himpapawid kaini, iyo an tugon sa mga patanid na missile asin drone.
Sa sarong pahayag, ipinaliwanag kan US Central Command (CENTCOM), na namamahala sa aksyong militar sa Gitnang Silangan, na an mga pinakabagong pag-atake nag-abot sa sa direksyon kan Commander in Chief.
Nairehistro man an pagsabog sa timog kan Iran sa palipot kan village kan Tahrui, harani sa daungan kan Sirik, na siyang sentro man kan mga pag-atake kan US kan Biyernes.
Sinabi man kan media kan nasabing estado na natamaan kaini an Isla kan Qeshm.
Sa sarong post sa social media, wara pang duwang oras makalihis magpoon an mga pag-atake, nagpatanid si President Donald Trump kan Estados Unidos na an mga pag-atake kan Sabado, posibleng magin palatandaan nin mas matinding labanan, enkaso dai magsunod an Iran sa mga pinaglalaoman kan Washington.
Kinutya niya man an Iran sa pauru-utrong pagbayolar sa memorandum kan ceasefire, sarong akusasyon an pinagpalitan kan duwang kampo.
