Niyugo nin magnitude 6.6 na linog an Sarangani, Davao Occidental kan Biyernes nin banggi, Hunyo 26.
Alas-7:34 kan banggi nairehistro an linog, segun sa Philippine Institute of Volcanology and Seismology.
An epicenter kan linog an nasa 90 km timog-kanluran kan Balut Island asin may rarom na 10 km.
Namatean an Intensity 5 sa Kiamba, Sarangani, mantang Intensity 4 naman sa Don Marcelino asin Santa Maria, Davao Occidental.
Intensity 3 sa Davao City asin Matanao, Davao del Sur mantang Intensity 2 sa Digos City, Davao del Sur; asin Monkayo, Mawab asin Maragusan sa Davao de Oro.
Segun sa Phivolcs, piglalaoman an mga aftershock kasunod kan makusog na linog.
Posible man suboot na magkaigwa nin danyos sa mga edificio asin iba pang istruktura sa mga lugar na harani sa sentro kan pagyugo.
