Nangapudan si Senator Panfilo ”Ping” Lacson na liwat na balikan an pag-aadal sa Juvenile Justice Law kan nacion kasunod kan pambabadil sa San Jose National High School sa Tacloban City kan Hunyo 22, kun sain duwang menor de edad an suspek.
Sa sarong social media post, tinawan duon ni Lacson na posibleng kaipuhan repasuhon an naga iral na patakaran sa criminal liability kan mga joven, asin binanggit an nagkapira international case bilang halimbawa kan paghihigot sa konsepto kan “discernment” sa krimen.
Segun sa senador, dapat patunayan kan prosecutors an kakayahan kan sarong menor de edad na magsabot sa saindang ginibo ngani na masierto an hustisya.
Mientras tanto, kinumpirmar man kan Palasyo na bukas si Presidente Ferdinand Marcos Jr. sa posibilidad na pag-adalan an pagbaba kan edad nin criminal responsibility, mantang suportado man kan Philippine National Police (PNP) an pag-aadal sa naga-iral na ley.
