LEGAPZI CITY-Ipighayag kan sarong transport group na wara sindang pinaglalaoman sa magigin speech ni President Ferdinand Bongbong Marcos Jr. sa saiyang 2026 State of the Nation Address, alagad mawot man liwat nindang madangog an mga nakalatag na solusyon sa problema kan sektor kan transportasyon.
Segun kay Piston President Mody Mody Floranda, sa intrevista kan Bombo Radyo Legazpi na wara sindang pinaglalaoman sa ika-apat na SONA ni President Marcos sa maabot na Hulyo 25.
Tinawan doon pa niya na digdi ire-report kan Presidente an saiyang mga naginibohan alagad an dai niya nagibo, iyo an dai niya ire-report.
Pigkwestyun man niya kun para kisay siya nagseserbi asin pig halimbawa an suboot paggamit kan daga kan Pilipinas ngani tugdukan kan Amerika nin mga armas.
Sinabi pa niya na an Pilipinas dai dapat pigkakaladkad kan administrasyon sa agresyon kan Amerika.
Kwestyunable man suboot kun para kisay siya nagpromisa, kun para sa namamanwaan o para sa mga dayuhan.
Pangapudan kan grupo sa administrasyon na ibasura an modernization program asin an oil deregulation law na haros 28-taon na suboot na namamayagpag asin nagreresulta sa padagos na pagtios kan mga driver asin namamanwaang Pilipino.
Siring man an pagtanggal sa excise tax asin VAT sa langis huli ta katakod suboot kaini an pagbabalik kan ganansya kan mga driver, pagbaba kan mga barakalon asin makakasabay an mga sadir na ganansya kan mga obrero.
