LEGAZPI CITY-Naglalaom an sarong grupo nin transportasyon sa bagong liderato senado na matugunan an paghale sa buwis sa langis asin maibasura an Oil Deregulation Law.
Segun kay PISTON President Mody Floranda, sa intrevista kan Bombo Radyo Legazpi naglalaom sinda kay Senator Win Gatchalian huli ta natapos na an iriwal sa Senado.
Punto pa niya na naapektaran kan iriwal sa Senado an mga namamanwaan huli ta an dapat na resolbaran na mga presenteng problema, napapaduman sa mga personal na iriwal kan pulitiko.
Naglalaom si Floranda na matugunan an problema kan mga driver asin operator asin mga namamanwaan.
Siring man an kagyat na oil deregulation law na rason kun pamamahala kan darakulang kumpaya sa presyo kan langis.
Piglalaoman man ninda na matawan nin panahon na dangugon an pagbasura kaini asin an paghale sa excise tax asin VAT na haros 28-taon na suboot na nagpapadifisil sa hanapbuhay kan mga driver asin namamanwaan.
Suhestyonb man niya na dapat maibalik sa dating presyo an diesel asin gasolina bago pa man an nangyaring agresyon sa Estados Unidos.
