LEGAZPI CITY- Pursigido an nagkapirang grupo nin transportasyon na ihayag an saindang mga pangapudan sa gobierno kasabay kan ikakasang tigil-pasada sa Setyembre 29 hasta 30.
Segun ki PISTON President Mody Floranda sa intrevista kan Bombo Radyo Legazpi na an mga namamanwaan an padagos na biktima kan paglangkaw kan presyo kan produktong petrolyo.
Napag-araman na magkakaigwa nin martsa-rally an nasabing mga grupo nin transportasyon ngani na ikurahaw an saindang pangapudan na solusyunan an padagos na paglobo kan presyo kan langis na nakaka apektar sa kabuhayan kan mga drivers asin nagreresulta pa sa paglangkaw kan presyo kan babarakalon.
Aminado man an opisyal na dae maiibitaran na igwang nagkapira na dae uyon sa nasabing tigil-pasada huli sa epekto sa mga commuters.
Sa paghiling suboot kan iba na nauulang an saindang biyahe, alagad dae nasasabutan an saindang obheto na ipangapudan an pagpapababa kan presyo kan langis kun sain gabos man an makikinabang.
