LEGAZPI CITY-Naglayag pasiring sa Strait of Hormuz an tulong supertanker asin iba pang barko na igwang bandilang Saudi asin kargang 6 milyong bariles nin krudo, pirang oras makalihis na pirmahan ni President Donald Trump an kasunduan sa Iran ngani wakasan an saindang gera.
Ipinaluwas kan mga barko an saindang posisyon mantang naglalayag sa Strait makalihis na pirang semanang pagtatago kan saindang paglalayag sa nasabing ruta sa paagi kan paggadan kan saindang transponder.
An paghale kaini sa Saudi ports pinakadakol na nag-agi sa Strait ngonian na semana.
An pinakadakulang prodyuser kan OPEC an pangenot na naggamit kan terminal kan daungan sa Red Sea na Yanbu
ngani magpadara nin langis makalihis an epektibong pagsasarado kan Strait of Hormuz kan panahon kan gera, na nagpugol sa rinibong bariles nin langis na maghale sa mga daungan kan gulpo.
Tulo pang separadong crude tankers na may kargang langis an nasa United Arab Emirates port sa Fujairah sa luwas kan strait, asin duwa pa an pasiring na sa Europe kaiba an saindang cargoes.
An Fujairah an saro sa mga terminal na tinamaan kan Iran durante kan gera, na nagpoon kan Pebrero 28.
