Mainit na tinanggap ni Presidente Ferdinand Marcos Jr. asin kan nagkapirang cabinet officials si German President Frank-Walter Steinmeier sa Malacañang.
Ini an katakod kan state visit sa Pilipinas kan nasabing German leader.
Kaibanan ni German President Steinmeier an saiyang First Lady na si Elke Büdenbender.
Kasabay kan pagbisita ni Steinmeier, pinaglalaoman na mas mapapakusog pa an kooperasyon sa pagultangan kan Pilipinas asin Germany urog na sa lado kan depensa, maritime cooperation, kalakalan asin pamumuhuhan, siring man sa climate change, renewable energy, asin people-to-people exchanges.
