Warang nakasalbar sa pagbagsak kan US Air Force B-52 bomber nagkapirang minuto sana makalihis mag-takeoff hali sa Edwards Air Force Base sa southern California.
Kinumpirmar ni Col. James Hayes, Deputy Commander kan 412th Test Wing, Edwards Air Force Base an nasabing trahedya, na nagresulta sa pagkagadan kan ipigladawan niya na walong magigiting na Americans.
Kumpwesto an mga biktima nin crew kan military, government civilians asin government contractors.
Nangyari an insidente mantang nasa routine mission an nasabing military aircraft.
Pigsusuportaran kan B-52 an radar modernisation programme kan base kan buminagsak ini makalihis mag takeoff asin suminiklab.
Segun ki Hayes, ipinaaram na sa mga kapamilya kan crew an nangyari.
Nagpapadagos man an serye nin mga imbestigasyon ngani na maaraman an rason kan pagbagsak kan military aircraft, na pinaglalaoman na madurar nin 30 aldaw.
